នៅថ្ងៃទី២២ ខែកញ្ញា ឆ្នាំ២០២៥ ក្នុងឱកាសមហាសន្និបាតប្រចាំឆ្នាំលើកទី៨០ នៃអង្គការសហប្រជាជាតិ លោកប្រធានាធិបតីបារាំង អេម៉ានុយអែល ម៉ាក្រុង បានឡើងថ្លែងសុន្ទរកថាដ៏មានសារៈសំខាន់ ដោយប្រកាសជាផ្លូវការទទួលស្គាល់រដ្ឋប៉ាឡេស្ទីន។ ការប្រកាសនេះមានគោលបំណងបើកផ្លូវឱ្យមានការចរចាដើម្បីបិទបញ្ចប់ជម្លោះនៅតំបន់ហ្កាហ្សា និងស្ថាបនាសន្តិភាពជាអចិន្ត្រៃយ៍សម្រាប់ប្រជាជនអ៊ីស្រាអែល និងប៉ាឡេស្ទីន។
ក្រៅពីបារាំង ប្រទេសជាច្រើនទៀតរួមមាន លុចហ្សំបួរ ប៊ែលហ្សិក អង់គ្លេស កាណាដា អូស្ត្រាលី ព័រទុយហ្កាល់ ម៉ូណាកូ និងប្រទេសតូចៗមួយចំនួនផ្សេងទៀត ក៏បានប្រកាសទទួលស្គាល់រដ្ឋប៉ាឡេស្ទីនជាផ្លូវការនៅក្នុងឱកាសដ៏សំខាន់នេះ។ ការសម្រេចចិត្តរបស់បណ្តាប្រទេសទាំងនេះ ត្រូវបានគេមើលឃើញថាជាជំហានដ៏សំខាន់ឆ្ពោះទៅរកការលើកកម្ពស់សន្តិភាព និងស្ថិរភាពនៅតំបន់មជ្ឈិមបូព៌ា។
0 $type={blogger}:
Post a Comment