នៅព្រឹកថ្ងៃទី២៩ ខែសីហា ឆ្នាំ២០២៥ ក្រុមអ្នកសារព័ត៌មានមកពីបណ្តាប្រទេសអាស៊ាន និងអន្តរជាតិ រួមមាន ចិន សិង្ហបុរី ឥណ្ឌូនេស៊ី ម៉ាឡេស៊ី វៀតណាម និងអ្នកសារព័ត៌មានកម្ពុជាជាច្រើននាក់ បានអញ្ជើញចុះទៅយកព័ត៌មានដោយផ្ទាល់នៅទីតាំងជាក់ស្តែង ដែលរងការបំផ្លិចបំផ្លាញដោយសកម្មភាពយោធារបស់ទាហានថៃ នៅស្រុកបន្ទាយអំពិល ខេត្តឧត្តរមានជ័យ។ បេសកកម្មសារព័ត៌មាននេះ ត្រូវបានសម្របសម្រួលដោយក្រសួងព័ត៌មានកម្ពុជា ក្រោមការដឹកនា និងត្រួតពិនិត្យដោយឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន។
