ពលករខ្មែរជាងមួយពាន់នាក់ ត្រឡប់ពីដីថៃមកកម្ពុជាវិញតាមច្រកព្រំដែនប៉ោយប៉ែត

 

បន្ទាយមានជ័យ៖ អាជីវករខ្មែរលក់ដូរនៅផ្សារ រុងក្លឿ និងពលករខ្មែរជាង១០០០នាក់ ក្នុងនោះមាន៨២នាក់ជាពលករខុសច្បាប់ ត្រូវបានអាជ្ញាធរថៃបើកបញ្ជូនមកកម្ពុជាវិញតាមច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ ចាប់ពីព្រលប់ម៉ោង៦នាទីថ្ងៃទី១០ ខែធ្នូ ឆ្នាំ២០២៥ តាមការស្នើសុំរបស់រដ្ឋបាលខេត្ត។សមត្ថកិច្ចថៃ និងអាជ្ញាធរកម្ពុជា បានបញ្ជាក់ថា ការបញ្ជូននេះកើតឡើងបន្ទាប់ពីអាជីវករខ្មែរនៅផ្សាររុងក្លឿ ត្រូវបានជម្លៀសចេញពីទីតាំងនៅថ្ងៃទី៩ ខែធ្នូ ម្សិលមិញ ទៅកាន់ទីតាំងសុវត្ថិភាព ដោយសារមានការផ្ទុះអាវុធនៅតាមបន្ទាប់ព្រំដែន ពីសំណាក់យោធាថៃ មកលើទឹកដីកម្ពុជា។ ការជម្លៀសនេះគឺជាវិធានការការពារសុវត្ថិភាព សម្រាប់ប្រជាពលរដ្ឋខ្មែរ ដែលកំពុងធ្វើការនិងធ្វើអាជីវកម្មនៅតំបន់ព្រំដែន។តាមការបញ្ជាក់ពីអ្នកនាំពាក្យរដ្ឋបាលខេត្តបន្ទាយមានជ័យ ការស្នើសុំបញ្ជូនពលករនិងអាជីវករមកវិញនេះ គឺដើម្បីធានាសុខសន្តិភាព និងជៀសវាងគ្រោះថ្នាក់បន្ថែមទៀត។ ពលករខ្មែរទាំងនោះ ភាគច្រើនជាអ្នកធ្វើការខុសច្បាប់នៅប្រទេសថៃ បានត្រូវសមត្ថកិច្ចថៃរៀបចំយានយន្តដឹកជញ្ជូន និងផ្តល់ជំនួយមូលនិធិបឋម មុនពេលឆ្លងព្រំដែន។ នៅច្រកប៉ោយប៉ែត អាជ្ញាធរកម្ពុជាបានរៀបចំការទទួល និងចែកចាយជំនួយ ដូចជាអាហារសម្រន់ និងការពិនិត្យសុខភាព។ រដ្ឋបាលកម្ពុជា បានអំពាវនាវឱ្យពលករខ្មែរ ដែលនៅសេសសល់នៅថៃ សហការជាមួយអាជ្ញាធរក្នុងការវិលមកវិញដោយសុវត្ថិភាព ។

 

About SangKheb

My Name Sitha Sam