នៅថ្ងៃទី២៦ ខែតុលា ឆ្នាំ២០២៥ កិច្ចព្រមព្រៀងសន្តិភាពរវាងព្រះរាជាណាចក្រកម្ពុជា និងព្រះរាជាណាចក្រថៃ បានចូលជាធរមានជាផ្លូវការ តាមរយៈពិធីចុះហត្ថលេខាលើសេចក្តីថ្លែងការណ៍រួមទីក្រុងគូឡាឡាំពួ។ ព្រឹត្តិការណ៍ប្រវត្តិសាស្ត្រនេះ ជាផ្លែផ្កាដំបូងនៃយុទ្ធសាស្ត្រ «ស្ងាត់តែមិនស្ងៀម» របស់សម្តេចធិបតីនាយករដ្ឋមន្ត្រី ហ៊ុន ម៉ាណែត ដែលបានដាក់ចេញតាំងពីដើម ដើម្បីដោះស្រាយជម្លោះព្រំដែនដោយសន្តិវិធី។ ការចុះហត្ថលេខានេះ បានកើតឡើងក្រោមការសម្របសម្រួលរបស់ឯកឧត្តម Dato' Seri Anwar Ibrahim នាយករដ្ឋមន្ត្រីម៉ាឡេស៊ី និងជាប្រធានអាស៊ានឆ្នាំ២០២៥ រួមជាមួយការចូលរួមធ្វើជាសាក្សីពីឯកឧត្តម Donald J. Trump ប្រធានាធិបតីសហរដ្ឋអាមេរិក។ការរក្សាសន្តិភាពទាំងផ្ទៃក្នុង និងជាមួយប្រទេសជិតខាង គឺជាអាទិភាពកំពូលរបស់រដ្ឋាភិបាលកម្ពុជា។ តបតាមការអញ្ជើញរបស់ឯកឧត្តម Anwar Ibrahim សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចូលរួមពិធីនេះរួមជាមួយឯកឧត្តម Anutin Charnvirakul នាយករដ្ឋមន្ត្រីថៃ នៅទីក្រុងគូឡាឡាំពួ ប្រទេសម៉ាឡេស៊ី។ ពិធីចុះហត្ថលេខានេះ មិនត្រឹមតែបញ្ជាក់ពីការប្តេជ្ញាចិត្តរួមគ្នានៃប្រទេសទាំងពីរ ក្នុងការបញ្ចប់ជម្លោះព្រំដែនតាំងពីខែកក្កដា ឆ្នាំ២០២៥ ប៉ុណ្ណោះទេ ថែមទាំងជាសារវ័ន្តសម្រាប់តំបន់អាស៊ានទាំងមូល ដែលបង្ហាញថា សន្តិភាពនៅតែអាចសម្រេចបាន ដោយសារការព្យាយាម និងសុភវិនិច្ឆ័យរួមគ្នា។
សម្តេចធិបតី ហ៊ុន ម៉ាណែត បានសម្តែងការដឹងគុណយ៉ាងជ្រាលជ្រៅចំពោះឯកឧត្តមប្រធានាធិបតី Donald J. Trump ចំពោះភាពជឿជាក់ និងការប្តេជ្ញាចិត្តខ្ជាប់ខ្ជួនក្នុងការគាំទ្រសន្តិភាពជានិរន្តរភាពរវាងកម្ពុជា-ថៃ។ «ឯកឧត្តមបានប្រឹងប្រែងដោយមិនគិតពីការនឿយហត់ ដើម្បីធ្វើឱ្យសមិទ្ធផលនេះក្លាយជាក់ស្តែង» សម្តេចបានថ្លែងក្នុងពិធី។ ក្នុងនាមតំណាងប្រជាជនកម្ពុជា សម្តេចក៏បានសរសើរឯកឧត្តមជាអ្នកដឹកនាំដ៏ម៉ឺងមាត់ និងចំពោះកិច្ចខិតខំប្រឹងប្រែងអន្តរជាតិ ដែលបានជួយលើកកម្ពស់សន្តិភាព និងសហប្រតិបត្តិការក្នុងតំបន់។សម្តេចធិបតីក៏បានថ្លែងអំណរគុណយ៉ាងស្មោះស្ម័គ្រដល់ឯកឧត្តម Anwar Ibrahim ចំពោះការគាំទ្រដោយឥតងាករេ និងការសម្របសម្រួលដ៏មានប្រសិទ្ធភាពក្នុងដំណើរការស្វែងរកសន្តិភាពនេះ រហូតដល់ទីបញ្ចប់ជោគជ័យ។ លើសពីនេះ សម្តេចបានថ្លែងអំណរគុណដល់ថ្នាក់ដឹកនាំអាស៊ាន ប្រទេសចិន និងដៃគូអន្តរជាតិនានា ដែលបានគាំទ្របទឈប់បាញ់តាំងពីដើមរៀងមក រួមទាំងការចូលរួមជាសាក្សី និងការតាមដានពីអាស៊ាន។
កម្ពុជាបានបញ្ជាក់ជាថ្មីនូវការប្តេជ្ញាចិត្តយ៉ាងមុតមាំក្នុងការអនុវត្តយ៉ាងពេញលេញ និងស្មោះត្រង់នូវសេចក្តីថ្លែងការណ៍រួមទីក្រុងគូឡាឡាំពួនេះ។ សម្តេចធិបតីបានបញ្ជាក់ថា កម្ពុជានឹងបន្តកិច្ចសហប្រតិបត្តិការជិតស្និទ្ធជាមួយប្រទេសថៃ និងដៃគូទាំងអស់ ដើម្បីធានាឱ្យសន្តិភាពនេះស្ថិតស្ថិរ និងនាំមកនូវផលប្រយោជន៍ជាក់ស្តែងដល់ប្រជាជនទាំងពីរ។ ទន្ទឹមនឹងនេះ សម្តេចក៏បានអំពាវនាវឱ្យសហគមន៍អន្តរជាតិ និងដៃគូនានា បន្តគាំទ្រ និងរួមចំណែក ដើម្បីធានាសម្រេចបាននូវផ្លែផ្កាពេញលេញនៃកិច្ចព្រមព្រៀងនេះ។
ឆ្លៀតក្នុងឱកាសនេះ សម្តេចធិបតី ហ៊ុន ម៉ាណែត បានសង្ឃឹមយ៉ាងមុតមាំចំពោះការដោះលែងទាហានកម្ពុជាទាំង១៨នាក់ ដែលត្រូវបានឃុំខ្លួននៅថៃ ជាបន្ទាន់ ក្រោមហេតុផលមនុស្សធម៌ និងស្របតាមការឯកភាពគ្នានៅក្នុងសេចក្តីថ្លែងការណ៍រួម។ គ្រួសាររបស់ទាហានទាំងនេះ បានសម្តែងការសង្ឃឹមថា ការចុះហត្ថលេខានេះនឹងនាំមកនូវការដោះលែងឆាប់ៗនេះ។
ជាចុងក្រោយ ដោយទទួលស្គាល់ការលះបង់ដ៏ធំធេង និងកិច្ចខិតខំប្រឹងប្រែងយ៉ាងម៉ឺងម៉ាត់របស់ឯកឧត្តមប្រធានាធិបតី Donald J. Trump ក្នុងការលើកកម្ពស់សន្តិភាព មិនត្រឹមតែរវាងកម្ពុជា-ថៃប៉ុណ្ណោះទេ ថែមទាំងក្នុងចំណោមប្រជាជាតិទាំងឡាយ សម្តេចនាយករដ្ឋមន្ត្រី ហ៊ុន ម៉ាណែត បានប្រកាសស្នើបេក្ខភាពឯកឧត្តមសម្រាប់ពានរង្វាន់ណូបែលសន្តិភាព។ ការស្នើនេះ ជាការបង្ហាញពីការដឹងគុណរបស់ប្រជាជនកម្ពុជា ចំពោះការរួមចំណែកដ៏សំខាន់ក្នុងការដោះស្រាយជម្លោះ និងការជំរុញសន្តិភាពក្នុងតំបន់។
សម្តេចធិបតី ហ៊ុន ម៉ាណែត បានសម្តែងការដឹងគុណយ៉ាងជ្រាលជ្រៅចំពោះឯកឧត្តមប្រធានាធិបតី Donald J. Trump ចំពោះភាពជឿជាក់ និងការប្តេជ្ញាចិត្តខ្ជាប់ខ្ជួនក្នុងការគាំទ្រសន្តិភាពជានិរន្តរភាពរវាងកម្ពុជា-ថៃ។ «ឯកឧត្តមបានប្រឹងប្រែងដោយមិនគិតពីការនឿយហត់ ដើម្បីធ្វើឱ្យសមិទ្ធផលនេះក្លាយជាក់ស្តែង» សម្តេចបានថ្លែងក្នុងពិធី។ ក្នុងនាមតំណាងប្រជាជនកម្ពុជា សម្តេចក៏បានសរសើរឯកឧត្តមជាអ្នកដឹកនាំដ៏ម៉ឺងមាត់ និងចំពោះកិច្ចខិតខំប្រឹងប្រែងអន្តរជាតិ ដែលបានជួយលើកកម្ពស់សន្តិភាព និងសហប្រតិបត្តិការក្នុងតំបន់។សម្តេចធិបតីក៏បានថ្លែងអំណរគុណយ៉ាងស្មោះស្ម័គ្រដល់ឯកឧត្តម Anwar Ibrahim ចំពោះការគាំទ្រដោយឥតងាករេ និងការសម្របសម្រួលដ៏មានប្រសិទ្ធភាពក្នុងដំណើរការស្វែងរកសន្តិភាពនេះ រហូតដល់ទីបញ្ចប់ជោគជ័យ។ លើសពីនេះ សម្តេចបានថ្លែងអំណរគុណដល់ថ្នាក់ដឹកនាំអាស៊ាន ប្រទេសចិន និងដៃគូអន្តរជាតិនានា ដែលបានគាំទ្របទឈប់បាញ់តាំងពីដើមរៀងមក រួមទាំងការចូលរួមជាសាក្សី និងការតាមដានពីអាស៊ាន។
កម្ពុជាបានបញ្ជាក់ជាថ្មីនូវការប្តេជ្ញាចិត្តយ៉ាងមុតមាំក្នុងការអនុវត្តយ៉ាងពេញលេញ និងស្មោះត្រង់នូវសេចក្តីថ្លែងការណ៍រួមទីក្រុងគូឡាឡាំពួនេះ។ សម្តេចធិបតីបានបញ្ជាក់ថា កម្ពុជានឹងបន្តកិច្ចសហប្រតិបត្តិការជិតស្និទ្ធជាមួយប្រទេសថៃ និងដៃគូទាំងអស់ ដើម្បីធានាឱ្យសន្តិភាពនេះស្ថិតស្ថិរ និងនាំមកនូវផលប្រយោជន៍ជាក់ស្តែងដល់ប្រជាជនទាំងពីរ។ ទន្ទឹមនឹងនេះ សម្តេចក៏បានអំពាវនាវឱ្យសហគមន៍អន្តរជាតិ និងដៃគូនានា បន្តគាំទ្រ និងរួមចំណែក ដើម្បីធានាសម្រេចបាននូវផ្លែផ្កាពេញលេញនៃកិច្ចព្រមព្រៀងនេះ។
ឆ្លៀតក្នុងឱកាសនេះ សម្តេចធិបតី ហ៊ុន ម៉ាណែត បានសង្ឃឹមយ៉ាងមុតមាំចំពោះការដោះលែងទាហានកម្ពុជាទាំង១៨នាក់ ដែលត្រូវបានឃុំខ្លួននៅថៃ ជាបន្ទាន់ ក្រោមហេតុផលមនុស្សធម៌ និងស្របតាមការឯកភាពគ្នានៅក្នុងសេចក្តីថ្លែងការណ៍រួម។ គ្រួសាររបស់ទាហានទាំងនេះ បានសម្តែងការសង្ឃឹមថា ការចុះហត្ថលេខានេះនឹងនាំមកនូវការដោះលែងឆាប់ៗនេះ។
ជាចុងក្រោយ ដោយទទួលស្គាល់ការលះបង់ដ៏ធំធេង និងកិច្ចខិតខំប្រឹងប្រែងយ៉ាងម៉ឺងម៉ាត់របស់ឯកឧត្តមប្រធានាធិបតី Donald J. Trump ក្នុងការលើកកម្ពស់សន្តិភាព មិនត្រឹមតែរវាងកម្ពុជា-ថៃប៉ុណ្ណោះទេ ថែមទាំងក្នុងចំណោមប្រជាជាតិទាំងឡាយ សម្តេចនាយករដ្ឋមន្ត្រី ហ៊ុន ម៉ាណែត បានប្រកាសស្នើបេក្ខភាពឯកឧត្តមសម្រាប់ពានរង្វាន់ណូបែលសន្តិភាព។ ការស្នើនេះ ជាការបង្ហាញពីការដឹងគុណរបស់ប្រជាជនកម្ពុជា ចំពោះការរួមចំណែកដ៏សំខាន់ក្នុងការដោះស្រាយជម្លោះ និងការជំរុញសន្តិភាពក្នុងតំបន់។
0 $type={blogger}:
Post a Comment