កំពង់ឆ្នាំង៖ នៅថ្ងៃទី២០ ខែកញ្ញា ឆ្នាំ២០២៥ កម្លាំងនគរបាលជំនាញនៃនាយកដ្ឋាននគរបាលព្រហ្មទណ្ឌបានឃាត់ខ្លួនជនសង្ស័យម្នាក់ ជាក្មេងស្រីអាយុ១៧ឆ្នាំ ពាក់ព័ន្ធការសម្លាប់សង្សារដោយកាក់ដោយកាំបិតចំនួន៣៣កន្លែង នៅស្រុកកំពង់ត្រឡាច ខេត្តកំពង់ឆ្នាំង។ ជនសង្ស័យបានសារភាពពីសកម្មភាពរបស់ខ្លួន ដោយចោទប្រកាន់ជនរងគ្រោះថា បានអូសទាញសាច់ញាតិរបស់នាងធ្វើជាអនាចារផ្លូវភេទជាមួយអ្នកដទៃ។តាមការបញ្ជាក់ពីប្រភពនគរបាល ករណីឃាតកម្មនេះត្រូវបានប្រទះឃើញនៅថ្ងៃទី១៨ ខែកញ្ញា ឆ្នាំ២០២៥ វេលាម៉ោង០១៖១៥នាទី នៅចំណុចក្នុងបន្ទប់ដេកមួយកន្លែង ស្ថិតនៅភូមិសូរវង្ស ឃុំតាជេស ស្រុកកំពង់ត្រឡាច ខេត្តកំពង់ឆ្នាំង។ ជនរងគ្រោះជាក្មេងស្រីម្នាក់ មានឈ្មោះ ធឿន ជីន អាយុ១៦ឆ្នាំ ជនជាតិខ្មែរ ត្រូវបានរកឃើញដេកស្លាប់ក្នុងស្ថានភាពសង្ស័យជាជនរងគ្រោះពីឃាតកម្ម ដោយមានស្នាមចាក់ដោយកាំបិតលើរាងកាយចំនួន៣៣កន្លែង។ក្រោយពីទទួលបានព័ត៌មានហេតុការណ៍ លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ បានចេញបទបញ្ជាឱ្យកម្លាំងជំនាញធ្វើការស្រាវជ្រាវភ្លាមៗ។ លោកឧត្តមសេនីយ៍ត្រី ហ៊ុន មុន្នីរ័ត្ន វរសេនីយ៍ឯក ហែម បូណា និងវរសេនីយ៍ឯក ហែម បូណា អនុប្រធាននាឯកសាលនេះ បានដឹកនាំក្រុមជំនាញរបស់នាយកដ្ឋាន សហការជាមួយស្នងការដ្ឋាននគរបាលខេត្តកំពង់ឆ្នាំង ដើម្បីស្រាវជ្រាវតាមនីតិវិធី និងជំនាញ។ តាមរយៈការស្រាវជ្រាវយ៉ាងយកចិត្តទុកដាក់ អាជ្ញាធរបានកំណត់បានអត្តសញ្ញាណជនសង្ស័យដែលពាក់ព័ន្ធនឹងសកម្មភាពឃាតកម្មនេះ។នៅថ្ងៃទី២០ ខែកញ្ញា ឆ្នាំ២០២៥ កម្លាំងជំនាញបានបន្តដឹកនាំបេសកកម្មសហការ ដោយឃាត់ខ្លួនជនសង្ស័យម្នាក់ ឈ្មោះ ធឿន ស្រីកា ភេទស្រី អាយុ១៧ឆ្នាំ ជនជាតិខ្មែរ នៅចំណុចភូមិសូង្ស ឃុំតាចេស ស្រុកកំពង់ត្រឡាច ខេត្តកំពង់ឆ្នាំង។ ក្នុងអំឡុងពេលសួរសំណួរ ជនសង្ស័យបានសារភាពយ៉ាងពេញទំនុកចិត្តថា នាងបានធ្វើសកម្មភាពចាក់សម្លាប់ជនរងគ្រោះ ប្រាកដមែន។ តាមការបញ្ជាក់របស់នាង កាលពីថ្ងៃទី១៥ ខែកញ្ញា ឆ្នាំ២០២៥ នាងបានទៅទិញកាំបិតចុងស្រួចមួយដើមនៅផ្សារមួយកន្លែង ក្នុងតម្លៃ១២.០០០រៀល មុននឹងទៅធ្វើសកម្មភាពឃាតកម្ម។ មូលហេតុនៃសកម្មភាពគួរឱ្យសោកស្តាយនេះ គឺដោយសារតែជនរងគ្រោះបានអូសទាញសាច់ញាតិរបស់ជនសង្ស័យឱ្យធ្វើជាអនាចារផ្លូវភេទជាមួយអ្នកដទៃ ដែលធ្វើឱ្យនាងខឹងខ្លាំង និងនាំឱ្យកើតមានការសងសឹកដោយរបៀបឃោរឃៅ។បច្ចុប្បន្ន ជនសង្ស័យ ធឿន ស្រីកា ត្រូវបាននាយកដ្ឋាននគរបាលព្រហ្មទណ្ឌប្រគល់ជូនស្នងការដ្ឋាននគរបាលខេត្តកំពង់ឆ្នាំង ដើម្បីអនុវត្តបន្តនីតិវិធីតាមក្រមព្រហ្មទណ្ឌ។